+995 55 55 910 47
მობრძანდით: თბილისი, ათონელის 29
ორშ-ხუთ, კვ 11:0 -00:00 / პარ-შაბ 11:00 - 1:00

თბილისში დასვენება-2024: რა ვნახოთ, რით გავერთოთ

ანასტასია ხატიაშვილი
ანასტასია ხატიაშვილი
18.04.2024

მდიდარი ისტორიისა და უნიკალური კულტურის მატარებელი თბილისი მსოფლიოს ყველა კუთხიდან ყოველწლიურად ასიათასობით ტურისტს იზიდავს.  ესაა ქალაქი, რომელშიც უძველესი ტრადიციები ერწყმება თანამედროვეობას და ეს ფაქტორი მას განუმეორებელ ხიბლს სძენს. საინტერესო ადგილები აქ ფეხის ყოველ ნაბიჯზეა. ამ ქალაქში თავის ადგილს ყველა იპოვის - კულტურის, ხელოვნების, ისტორიისა თუ გასტრონომიის მოყვარულები. თბილისში სტუმრობას არც ისინი ინანებენ, ვისაც უბრალოდ ლამაზ და მყუდრო ადგილას დროის გატარება მოსწონთ. ქვემოთ გთავაზობთ ჩვენს რჩევებს, თუ რა უნდა ნახოთ და სად გაერთოთ თბილისში 2024 წელს, რათა თქვენმა დასვენებამ დაუვიწყარი ხასიათი მიიღოს. 

რით გავერთოთ თბილისში

საქართველოს დედაქალაქი თავის სტუმრებს დაუვიწყარ გამოცდილებას სთავაზობს - მდიდარ ისტორიას, კულტურასა და უნიკალურ ლანდშაფტს. ლამაზ ძველ ქუჩებში გასეირნების და უზადო არქიტექტურის დათვალიერების გარდა აქ შეგიძლიათ თავდავიწყებით მიეცეთ ადგილობრივ სამზარეულოს, განთქმულს თავისი მრავალფეროვნებითა და არაჩვეულებრივი გემოებით. ქართული კულინარია გემოს დღესასწაულია, ის ხომ სახელგანთქმულ ხაჭაპურს, ხინკალსა და უნიკალურ ქართულ ღვინოს მოიცავს. ამ ყველაფრის დაგემოვნება ჩვენს თბილისურ რესტორანში შეძლებთ.

თავგადასავლების მოყვარულებს დედაქალაქი სთავაზობს სხვადასხვა აქტივობებს ღია ცის ქვეშ, მათ შორის ექსკურსიებსა და ლაშქრობებს თბილისის საინტერესო ადგილებში, საიდანაც ქალაქის ულამაზესი ხედები იშლება. ასევე არ გამოტოვოთ შანსი, მოინახულოთ თბილისის სახელგანთქმული გოგირდის აბანოები, სადაც არა უბრალოდ განიტვირთებით, არამედ მრავალ საინტერსო ამბავს შეიტყობთ ამ ადგილის ისტორიასა და კულტურაზე.

თბილისი გამორჩეულია თავისი სტუმართმოყვარეობითა და კეთილგანწყობილი მაცხოვრებლებით, რომლებიც სიამოვნებით გიამბობენ ისტორიებს თავისი ქალაქის შესახებ. ხოლო თბილისში რეგულარულად მიმდინარე კულტურულ ღონისძიებებსა და ფესტივალებში მონაწილეობით, თქვენ უფრო სიღრმისეულად გაეცნობით ცხოვრების ადგილობრივ წესსა და ტრადიციებს.

თბილისი ქალაქია, რომელსაც გაკვირვებაც შეუძლია და ფრთაშესხმაც, ის თითოეულ ვიზიტორს რაღაცას განსაკუთრებულს სთავაზობს. განურჩევლად იმისა, თუ რა გსურთ - ბუნებაში თავგადასვლებს ეძებთ, კულტურულად გამდიდრებას ლამობთ თუ უბრალოდ, უგემრიელეს ადგილობრივ საჭმელ-სასმელს ეძებს, თბილისი ყველას ჰპირდება დაუვიწყარ დღეებს.

რა უნდა ნახოთ თბილისში

რა ვნახოთ თბილისში

აქ მხოლოდ რამდენიმე ვარიანტს ჩამოვწერთ, თუ რის ნახვას შეძლებთ თბილისში.

  1. ძველი თბილისი. აღმოაჩინეთ ქალაქის ისტორიული გული, რომელიც ცნობილია თავისი მომხიბლავი არქიტექტურით, ვიწრო ქუჩებითა და თვალწარმტაცი ატმოსფეროთი. არ გამოტოვოთ შესაძლებლობა ეწვიოთ ნარიყალას ციხეს, საიდანაც იშლება ქალაქის ბრწყინვალე ხედები, ასევე ცნობილი გოგირდის აბანოები. თბილისი ღირსშესანიშნაობების ქალაქია, მაგრამ ეს უბანი მაინც განსაკუთრებულია.
  2. ფაბრიკა. ეს არის ელეგანტური მრავალფუნქციური სივრცე, რომელიც აერთიანებს ჰოსტელს, ხელოვნების სტუდიებს, მაღაზიებსა და კაფეებს. აქ შეგიძლიათ შეხვდეთ თბილისელებს, დატკბეთ თანამედროვე ხელოვნებით და დაისვენოთ მშვიდ გარემოში.
  3. მთაწმინდის პარკი. მთაწმინდის მწვერვალზე მდებარე ეს გასართობი პარკი გთავაზობთ სახალისო გასეირნებას და საოცარ ხედებს. იქ მოხვედრა მათ შორის ფუნიკულიორის ტრამვაითაა შესაძლებელი, რაც უკვე თავისთავად საინტერესოა.
  4. მშრალი ხიდი. ანტიკვარიატით, ხელოვნებითა და უნიკალური სუვენირებით დაინტერესებულთათვის მშრალი ხიდი აუცილებლად სანახავია. ეს არის ღია ბაზრობა, სადაც იპოვით ყველაფერს - საბჭოთა რელიქვიებიდან ხელნაკეთ სამკაულებამდე.
  5. საქართველოს ეროვნული მუზეუმი. საქართველოს მდიდარი ისტორიისა და კულტურის ღრმად გასაცნობად რეკომენდებულია საქართველოს ეროვნული მუზეუმის მონახულება. აქ თავმოყრილია არტეფაქტების უზარმაზარი კოლექცია - უძველესი დროიდან თანამედროვეობამდე.
  6. თბილისის ზღვა. ბუნებაში დასვენების მოყვარულთათვის თბილისის ზღვა ზედგამოჭრილი ადგილია. ქალაქის გარეუბანში მდებარე დიდი წყალსაცავი საუკეთესო ობიექტია თბილ დღეებში ცურვის, მზეზე გარუჯვისა და პიკნიკებისთვის.
  7. ეთნოგრაფიული მუზეუმი. ვაკის რაიონში, ღია ცის ქვეშ მდებარე ეს მუზეუმი ასახავს ცხოვრების ტრადიციულ ქართულ წესს, არ არის განლაგებული ქართული საცხოვრებლები ქვეყნის ყველა კუთხიდან.

რაც ჩამოვთვალეთ, მხოლოდ მცირე ნაწილია იმისა, თბილისში რის ნახვაც ღირს. უფრო რაციონალური დასვენებისთვის აჯობებს, ღირსშესანიშნაობებს რიგრიგობით გაეცნოთ. მაგალითად, ჩვენი კაფედან იოლად მიხვალთ ყოფილ სასტუმრო „ლონდონთან“ რომელიც კვლავაც ღირსშესანიშნაობად ითვლება.

იქიდან გადახვალთ დედაენის ბაღში - ბუნებისა და სიმწვანის შესანიშნავ ადგილთან. ხოლო თუ მომგზაურობიდან სუვენირების ჩამოტანა გიყვართ, შემდეგი გაჩერება სათქვენოა - მშრალი ხიდის ბაზრობა - აქ შეგიძლიათ იპოვოთ ყველა გემოვნების, ფერის, ზომისა და ბიუჯეტის შესაბამისი წვრილმანი სუვენირები.

მთავარია, მშრალ ხიდზე ამ „წვრილმანების“ შეძენამ ზედმეტად არ გაგიტაცოთ, რადგან აქ შეიძლება მთელი თქვენი ბუჯეტი ერთიანად გახარჯოთ. და ეს მხოლოდ მცირეოდენი ნაწილია იმისა, თუ რისი ნახვაცაა შესაძლებელი, ოღონდ მანამდე ენერგიით ჩვენს კაფეში უნდა დაიმუხტოთ. არ ხართ დარწმუნებული, კონკრეტულად რის ნახვა გსურთ? მიერ შედგენილი სპეციალური რუკა სწორედ თქვენთვისაა - ამ რუკაზე დატანილია თბილისის რამდენიმე ათეული ღირსშესანიშნავი ადგილი.

რითი ერთობიან თბილისში სეზონების მიხედვით?

გართობა თბილისში

თბილისში კონკრეტულ სეზონზე თავის წილ გასართობს ნებისმიერი ტურისტი იპოვის. გაზაფხულზე და ზაფხულში ქალაქი იზიდავს ღია სივრცეების და ფესტივალების მოყვარულებს. ერთ-ერთი მათგანია Tbilisi Open Air, რომელიც ღია ცის ქვეშ მუსიკალურ წარმოდგენებს გვთავაზობს. ასევე აღსანიშნავია დავით აღმაშენებლის გამზირზე გასეირნების შესაძლებლობა, სადაც კაფეებისა და მაღაზიების სიუხვეა.

შემოდგომაზე ქალაქი ოქროსფერში ეხვევა, რაც იდეალურად უხდება ღვინის ფესტივალებს, მათ შორის New Wine Festival-ს, სადაც ადგილობრივ ღვინოებსაც დაადეგუსტირებთ და ქათული მეღვინეობის ტრადიციების შესახებაც შეიტყობთ. შემოდგომა ასევე იდეალურია ძველ თბილისში ქვეითი ექსკურსიებისთვის, ესაა უძველესი ქალაქის ისტორიასთან გაცნობის საუკეთესო შესაძლებლობა.

ზამთარი სამთო თხილამურების დროა და საბედნიეროდ, თბილისიდან არცთუ შორს ორი საუცხოო ზამთრის კურორტია - გუდაური და ბაკურიანი. მართალია, სათხილამურო ტრასები თბილისში არაა, მაგრამ დედაქალაქი ამ სპორტის მოყვარულთათვის საუკეთესო სასტარტო პუნქტია.

ამრიგად, თბილისი თავის სტუმრებს სეზონური გართობის მდიდარ არჩევანს სთავაზობს, კულტურული ღონისძიებებისა და ფესტივალებიდან ღია ცის ქვეშ აქტიურ დასვენებამდე, რაც საქართველოს დედაქალაქს წელიწადის ნებისმიერი სეზონისთვის დასვენების მიმზიდველ ადგილად აქცევს.

მსგავსი სტატიები

აქტუალური თემები ქართული ინსტიტუტებისა და მუსიკის შესახებ.

დასვენება თბილისში ზამთარში: რა უნდა ნახოთ და სად უნდა წახვიდეთ
დასვენება თბილისში ზამთარში: რა უნდა ნახოთ და სად უნდა წახვიდეთ
13.05.2024
ზამთრის არდადეგები თბილისში შესანიშნავი შესაძლებლობაა გაეცნოთ…
თბილისში დასვენება-2024: რა ვნახოთ, რით გავერთოთ
თბილისში დასვენება-2024: რა ვნახოთ, რით გავერთოთ
18.04.2024
მდიდარი ისტორიისა და უნიკალური კულტურის მატარებელი თბილისი…
ტოპ 10 ადგილი საქართველოში, რომელიც ნახვად ღირს
ტოპ 10 ადგილი საქართველოში, რომელიც ნახვად ღირს
17.04.2024
საქართველო ქვეყანაა მდიდარი კულტურული მემკვიდრეობით, უნიკალური…
animation